maiôr
ma|iôr
[AF]
-
adi., s.m.
plui grant di dimension, numar, etât, impuartance, intensitât e v.i.:
in chest teritori si ve une vore di bataiis e bataicis […]: chest fat lu causave sore il dut la presince, jenfri Dograve e Turide, di un vât pluitost facil traviers dal nestri flum maiôr (Agnul di Spere, Sant Zorç de Richinvelde);
il cuadri de la Madona cun diviars altris sants daûr l'altâr maiôr de la glesia di Romans (Federigo Comelli, Il me paîs);
il poetâ cumò no mi confâs. / Ma tu mo (se al ti plâs) / Mandimi viers, e letaris ben spes, / Che dâmi maiôr gust tu no porès (Eusebi Stele, Fradi gno cjâr jo soi tant ocupât)
Cfr. grant
, plui
-
adi., s.m.
[TS]
mus.
di interval, che a pet dal omonim minôr al è plui ampli di un semiton
-
di un acuardi perfet, dât di une tierce maiôr plui une tierce minôr
-
di une scjale cuntune sucession di doi tons, un semiton, trê tons e un semiton
-
di un mût melodic che si base suntune scjale maiôr
-
s.m.
[TS]
milit.
dongje de denominazion di un graduât o di un uficiâl al segne une posizion plui alte te jerarchie militâr:
il caporâl maiôr al fâs cuatri salts fin su la mulatiere e si met denant di chei doi (Pieri Menis, Funerâl a Pâl Piçul)
-
s.m.
uficiâl di nivel plui alt dal cjapitani, plui bas dal tenent colonel:
tal doman e je rivade chê famose tiremole dai ordins. Si sta, si va; no si reste, no si partìs, fintremai che il maiôr al à decidût cussì: ducj a cjase. A cjase! (Alan Brusini, La cartuline);
il maiôr Citarella, il comandant talian, al decît daspò di fâ internâ 150 abitants di Vilès tes presons di Palme (Carli Pup, La seconde Irlande)
-
s.m.
[BF]
trop di pioris e cjavris:
niçul niçul, cjaradôr, / âstu viodût il gno maiôr? / No lu ai viodût ni vuê ni îr, / passe la aghe, valu a cîr (Zuan Nazzi Matalon, Ottorino Burelli, Sacheburache)
Sin. trop2
, gree
Polirematichis e espressions idiomatichis
Proverbis:
- il misteri de Santissime Trinitât al è plui grant dal puint maiôr
- il prin flôr al altâr maiôr
- tâl il pastôr, tâl il maiôr