Dizionari de Lenghe Furlane

magne¹  ma|gne  [CO, TS]

1. s.f. zool.com. non comun dai sarpints plui grancj e no velenôs dal Friûl, soredut des speciis Zamenis longissimus e Hierophis viridiflavus, che te tradizion popolâr a àn ancje podês magjics:  une biele dì al viôt tal bosc trê grandis magnis incolaçadis te plombe dal soreli (Andreina Nicoloso Ciceri, Maletegne - Racconti popolari friulani I); la magne e zuie cuntun miluç, o in altris câs cuntune balute di aur: cui che al rive a puartâ vie chel miluç al varà tante fortune che mai (Sandri Carrozzo, Friûl di Magance); una dì la à viduda che a lava sù pa gjamba da vacja, a tetâ. Ma a disevin, ancja, che no si doveva copâla, la magna, che, se no, a crepava la vacja e ancja el vigjel (Popolâr - Istitût di Ricercje Achil Telin, No copâ lis magnis - Tiaris di Acuilee); [la ferade] si slungjave come une cubie di magnis indurmididis o muartis tal soreli (Dino Virgili, La aghe da pît la cleve)
   Sin. lance , sarpint iper. , bisse iper.
   Cfr. carbon , madrac , bis¹ , incjesine

Polirematichis e espressions idiomatichis

• a magne loc.av., loc.adi.inv.
• a magne vie loc.av., loc.adi.inv.
• lassâ che la magne e ledi pe campagne loc.v.
• miluç de magne loc.s.m.

Proverbis:

• lasse che la magne a ledi pe campagne
• lasse cori la magne pe campagne