mût di dî
[AF]
-
loc.s.m.
maniere di dî ce che si vûl comunicâ:
Turo si lambicave il çarviel par cjatâ il mût di dîjal (Dino Virgili, La aghe da pît la cleve)
-
loc.s.m.
espression tipiche di une cierte lenghe, di une cierte comunitât o categorie di personis, cuntun significât diferent di chel leterâl:
il gjornâl al diseve che lu vevin butât K.O., un mût di dî inglês che nissun cognosseve (Alan Brusini, Amîs come prime)
-
loc.s.m.
sentence popolâr che e dîs une crodince coletive:
e jere vignude Setemane Sante: ulîf sut, ûfs suts… che no valevin nancje i mûts di dî, plui (Dino Virgili, La aghe da pît la cleve);
il ricuart di chel proverbi, di chel mût di dî ["daspò il ridi, al ven il vaî"], che al pareve volê cjoli ai puars parfin il ben dibant da la ligrie, a lu meteve simpri in maluserie (Franca Mainardis, Il sium di Lissandri)
Sin. detule
, disade
, proverbi
-
loc.s.m.
espression che si dîs ancje se no corispuint cun precision o no corispuint par nuie a ce che e je la realtât o a ce che si vûl dî:
la glesie di Diu che e je chi di nô e je la nestre glesie furlane. E cjalait: nol è dome un mût di dî chel chi. E je une robe une vore profonde (Francesc Placerean, La Glesie e à di lassâ i popui come che a son e fâur di levan seont la lôr paste);
chê dal cjarbon pai triscj, o de cinise o dal baston al jere un mût di dî; nol sucedeve mai. Nissune Sante Luzie - di puare mendiche che e fos stade - e veve cûr di cjastiâ i fruts in chê maniere (Riedo Pup, I furlans e Sante Luzie)
Components:
-
dî
v.tr., v.intr., s.m.sing.
-
mût
s.m.