Dizionari de Lenghe Furlane

lavâ  la|vâ  [FO]

1. v.tr. (ancje ass.) netâ gjavant il sporc cun aghe e cun altris sostancis:  e judave lis sioris de parochie a lavâ, incolâ e sopressâ la blancjarie de glesie (Pieri Somede dai Marcs, Anzule); lis feminis a lavavin sot dal puarti di cjase, te podine, che i lavadôrs dal flum no pescjavin ta la aghe (Dino Virgili, La aghe da pît la cleve); lavâ il lidric pe cene (Josef Marchet, Lis predicjis dal muini)
   Cfr. netâ , resentâ¹
   
   1. lavâ i vistîts par cdn.:  Menie e veve vût il so dafâ cui fradis, lavâju e pontâju (Pieri Menis, Chei di Muraie)
   2. (fig.) fâ deventâ net di un pont di viste morâl, dal onôr e v.i.:  la aghe sante des Rogazions no baste par lavâ dutis lis cragnis dal mondat di cumò (Josef Marchet, Lis predicjis dal muini); nome il sanc al podeve lavâ une magle come chê (Carlo Sgorlon, Il dolfin)
      Sin. netâ
2. v.tr. (fig.) lassâ bagnât, umit:  dolcis lagrimis di amôr patrio mi lavin la muse (Arturo Feruglio, Viaç a Vignesie); par Grimau indulà che a erin lavadi li gravi intor dal gorc e a si infissiva la aga di colours come un cercal di sant Marc (Novella Cantarutti, Il gorc di Grimau)
   Sin. bagnâ

Polirematichis e espressions idiomatichis

• bree di lavâ loc.s.f.
• robe di lavâ loc.v.

Proverbis:

• a lavâi il cjâf al mus, si piert lissie e savon
• cul vin si sta tra amîs, cu la aghe si lave i pîts
• i peçots si ju lave in cjase
• la aghe a lave dut
• la aghe sporcje no lave
• la cjar cul lavâle e piert il gust
• la robe e dîs di Istât: lavimi ben e stricimi mâl; di Invier: lavimi mâl e stricimi ben
• la robe sporcje si lave in cjase
• lavâ cuant che al plûf e suiâ cuant che al è soreli
• une man e lave chê altre e dutis dôs a lavin la muse