resentâ1
re|sen|tâ
[AF]
-
v.tr.
(ancje ass.)
passâ o tornâ a lavâ dome cun aghe, par puartâ vie il sporc o i vanzums di savon, sbrume e v.i.:
il fantat ti vualmave mê mari sul lavadôr che e resentave la sô lave smondeade (Alan Brusini, Come tai romançs);
lis feminis a lavin e a vignivin de latarie, fermantsi un moment te fontane par resentâ i seglots (Carlo Sgorlon, Prime di sere);
Nita e cjantave cu la schene plete sul lavadôr a resentâ (Dino Virgili, La aghe da pît la cleve)
-
finî di netâ alc in maniere svelte, ancje cuntun alc che no sedi aghe:
cuntune palete e netà paviments e mûrs des sclipignadis, resentant ogni robe cuntun peçot imbombât di dissolvent (Carlo Sgorlon, Ombris tal infinît)
-
v.tr.
(fig.)
in espressions che a vuelin dî bevi, soredut alc di alcolic:
po dopo o resentarìn il gargat cuntun taiut (Josef Marchet, Lis predicjis dal muini);
mi interessave nome di resentâ il gasarot cuntune bire (Stiefin Morat, Donald dal Tiliment)