Dizionari de Lenghe Furlane

lâ in pâs    [CO]

1. loc.v. in formulis di auguri e di esortazion cristiane, lâ vie e vivi in pâs cun chei altris e tal rispiet des leçs di Diu:  se a vignivin a confessâsi di vê viodudis porcariis tal cine dal bonsignôr, lui ju spedive ridint: «Po no no, benedets! Lait, lait in pâs ! O ai stât ancje jo a viodi chel cine alì. Par chês robis» (Antoni Beline, Pre Pitin)
2. loc.v. (eufem.) murî:  [siôr Simon] al jere lât in pâs cualchi mês dopo siore Filumene. «Che Diu lu vei in pâs» e veve dit la Ulive (Maria Forte, La tiere di Lansing)
   Sin. lâ in cîl , lâ in paradîs , lâ cun Diu , lâ cun Gjo , lâ al Creatôr
3. loc.v. lâ vie o lâ ator cence fâ mâl a di nissun o cence nissun fin che al vegni definît:  che no fasin cjossis indecent[is] insultant la int che va in pâs pa sô strada (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. lâ pai siei fats

Components:

• lâ v.intr., s.m.sing.
• pâs s.f.