Dizionari de Lenghe Furlane

jeur  /-è-/  jeur  [AF, TS]

1. s.m. zool.com. non comun dai mamifars de famee dai Leporidis:  i jeurs si corevin daûr jenfri lis cisis, i riçs, lis 'savis, lis surîs, dutis lis besteutis de campagne si cirivin te stagjon dai amôrs (Alan Brusini, Par stradis lungjis); un vinars dopomisdì, che al seave tun prât, al cjatà un jeur in cove (Meni Ucel, Cjaçadôrs); tor ator pal pradissit / al coreve un jeurissit / chest lu à copât / chest lu à spelât / chest lu à fat cuei / chest lu à mangjât… / e chest che al è il plui picinin / no 'nd à vût nancje un freghegnin (Popolâr, Tor ator pal pradissit)
   Var. jevar , gneur , gjeur , jevuar , jevri
   
   1. cjar di chel animâl:  dopo 12 oris di infusion dai tocs in aghe, vin, asêt, sâl, pevar, cevole, ai, timo, mazorane, osmarin, carotis, orâr e salvie, e brucjis di garoful, si met il jeur a cuei in padiele (Emilia Baldassarre, Ort e cusine)
   2. (ancje fig.) in paragons o metaforis in riferiment a cui che al cor une vore svelt:  di colp i fruts di Viscon a tachin a cori pes blavis come jeurs (Checo Tam, I nemîs)
      Sin. fulmin , sclopetade , saete¹ , sivilot
2. s.m. [TS] sport tes corsis di mieç fonts e di fonts de atletiche lizere, coridôr che al impon un pas svelt a dut il grup

Polirematichis e espressions idiomatichis

• cjan di jeur loc.s.m.

Proverbis:

• al sta il jeur là che mancul si crôt
• al vîf tant il jeur a jerbe che il lôf a cjar
• ancje il jeur al vîf a jerbe
• cent al jeur e une al cjaçadôr
• cuntun sôl laç no si cjape il jeur
• il jeur al sta là che mancul si crôt
• il jeur al vîf a jerbe, la bolp a gjalinis, e a son grues compagns
• no bisugne lassâ scjampâ il jeur par pôre di ruvinâi la piel
• novantenûf il jeur e une il cjaçadôr
• novantenûf voltis il jeur e une il cjan
• par salvâ la piel no stâ lassâ scjampâ il jeur
• une volte al cor il cjan e une volte al cor il jeur