inzenoglâsi
in|ze|no|glâ|si
[AF]
-
v.pron.intr.
poiâ un o ducj i doi i zenoi par tiere, par sbassâsi o ancje par pandi devozion o sudizion:
siôr Talico al parave dongje i bêçs cu la man, su la taule, si inzenoglave a cjapâ sù chei colâts (Dino Virgili, La aghe da pît la cleve);
ogni dì a straoris e jentrave in glesie e là si inzenoglave preant a alte vôs che ducj le sintivin (Alan Brusini, Come tai romançs)
Sin. metisi in zenoglon
, butâsi in zenoglon
Var. inzeglonâsi
-
ancje di animâi, pleâsi su lis çatis fin a tocjâ par tiere cuntune articolazion
-
v.pron.intr.
(fig.)
umiliâsi:
ridûts in ghigne, tratâts come un trop di pioris, tignûts par basoâi da parons di ogni fate, o si inzenoglìn a bussâ la çavate che nus pescje, lis cjadenis che nus strenzin, la scorie che nus vergole lis spalis (Josef Marchet, Sul ultin scjalin)
Sin. pleâsi
, sbassâsi
, sbassâ il cjâf
, gjavâsi il cjapiel