Dizionari de Lenghe Furlane

sbassâ il cjâf    [AF]

1. loc.v. tal sens letarâl, movi il cjâf indreçant la muse indevant e injù:  Bonan al sbasse il cjâf e lu cjale jenfri des ceis e dai ocjâi: «O stimi vô, jo!» (Riedo Pup, Predis di ogni fate)
   
   1. (fig.) ancje di robis che no àn il cjâf, fâ o vê un moviment che al somee chel di une persone che e môf il cjâf injù:  cuant che al è par vignî temporâl, i pôi menâts dal vint a sbassin il cjâf e a lassin viodi daûr lôr la montagne (Catarine Percude, Lis aganis di Borgnan)
2. loc.v. cjapâ une ande di umiltât e sumission, rassegnâsi a ubidî, a dâ reson e v.i.:  jo no ai mai sbassât il cjâf denant di nissun: e a 'nd è stâts di parons, folc…! (Guido Antonioli, Florean dal Palaç, I, 1); resonament persuasîf une vorone, par la cuâl o scuen sbassâ el cjâf e mucite (Arturo Feruglio, Viaç a Vignesie)
   Sin. sbassâ lis alis , sbassâ la creste , sbassâ la code , sbassâ i cuars , sbassâ lis orelis

Components:

• cjâf s.m.
• sbassâ v.tr.