invasion
/-òn/
in|va|si|on
[FO]
-
s.f.
jentrade di une armade intun teritori par cjapâ il so control e possès:
in Friûl a son stadis cuatri invasions di Turcs, une piês di chê altre (Francesc Placerean, La nestre storie);
e je usance di dâ il non di invasions a chês che a vegnin in Friûl de bande di soreli jevât e di liberazions a chês che a vegnin di soreli a mont (Josef Marchet, Cuintristorie dal Friûl fin sot la Italie)
Sin. concuiste
, iruzion
-
s.f.
(ancje scherç.)
il rivâ di un grum di int intun puest:
par dut il mont si cjataran massariis furlanis, Titute!… […] Culì po a Vignesie e je adiriture une invasion! (Arturo Feruglio, Viaç a Vignesie)
Sin. colmace
, frache di int
, fuligate
, fulugne
, plene
, sglavin
, sdrume
-
s.f.
grant slargjâsi di alc che al fâs dam o che al da fastidi:
ta chel Setembar dal '82, cuant che e stave rivant la prime grande invasion di puiesis, Toni al jere cun so barbe bande dal pin di Lauçà a gjavâ gjardon tun cjamp (Checo Tam, Puiesis)
-
s.f.
(fig.)
grande difusion sul marcjât di un prodot comerciâl
-
s.f.
[TS]
sport
tal volley e tal tenis, fal di un zuiadôr che al jentre te zone di cjamp dal aversari o dai aversaris
-
s.f.
[TS]
med.
presince e difusion tal organisim di agjents patogjens, spec. bateris e parasits