Dizionari de Lenghe Furlane

insumiament  /-ènt/  in|su|mi|a|ment  [CO]

1. s.m. procès dal insumiâsi, dal vê visions e esperiencis in sium, intant che si duar:  cessazion dal insumiament daspò distruzion neurochirurgjiche de vie dopaminergjiche (Eric Pascul, Franc Fari, Neurosiencis dal sium e dal insium intai vertebrâts)
   Sin. sumiament
   Var. insuniament
   Cfr. insium , sium²
   
   1. vision che si somee cuntun sium, ancje se no je fate intant che si duar, ma cuant che si è a pene sveâts o stracs o in cundizion di cussience alterade
      Cfr. çavariament
2. s.m. pinsîr o progjet fantasiôs, fat cence tignî cont de realtât:  ce che no si podarès mai vê o tocjâ, la plui biele e lusinte stele, la lune, il firmament stes, tant cu la imagjinazion, o miôr cul insumiament, a son a puartade di man (Gilberto Marcuzzi, Tabaìn di osservatoris astronomics... di ce che si viôt cui voi dal telescopi o ancje cun chei de imagjinazion)
   Sin. sumiament , insumieç