inocent
/-è-/
in|o|cent
[AF]
-
adi., s.m.
che, cui che nol à colpe:
"Cemût podarano condanâlu se al è inocent?" (Pieri Piçul, Vieri e gnûf);
i dodis sotans che a vevin cjapâts e mandâts sot procès par cheste istesse reson, a son stâts ricognossûts inocents e molâts (Alviero Negro, Int di masnade)
Var. nocent
-
adi., s.m.
che, cui che nol à malizie o che nol à o nol mostre esperience de malizie o, daûr di une prospetive religjose cristiane, che nol à pecjât:
une creature inocente e nancje buine di fâ mâl a une moscje (Arturo Feruglio, I purcjinei);
voi ancjemò inocents dal mont, spalancâts su un dolôr scognossût. Un cjalâ spaurît come di nemalut cjapât te rêt (Maria Forte, La tiere di Lansing);
il pape [….] le considerave [la furlane] un bal inocent a confront dal scandalôs tango che al rivave de Argjentine (Pierluigi Visintin, Friûl e furlans te Histoire de ma vie di Giacomo Casanova)
Sin. cjandit
, pûr2
-
che par no vê esperience di malizie, si lasse imbroiâ di chê di chei altris o che al è pôc inteligjent:
al pâr che i oms a vedin copât ducj i salvans, che a jerin une vore fuarts, ma avonde inocents (Sandri Carrozzo, Friûl di Magance);
[Benito, un ritardât] al cjale lis robis cun voi inocents (Maria Forte, Fadie come ale)
Sin. biât
, ingjenui
-
s.m.
tal pl., ancje cun iniz. maiusc., i fruts che daûr dal Vanzeli a son stâts fats sassinâ di Erode, che al voleve copâ Jesù a pene nassût:
ai 28 di Dicembar e je la fieste dai Sants Inocents;
in chest timp [Mirko Basaldella] al à fat tantis oparis: Narcîs, Novele, Lis Chimeris, Clefta, Il maçalizi dai inocents, Il pescjadôr, Fantat cul pes (Bepi Agostinis, Storie de art in Friûl)
Proverbis:
- che al pai l'inocent pal pecjadôr
- spes l'inocent al patìs pal pecjadôr