inmatunît
in|ma|tu|nît
[CO]
-
p.pass., adi.
viôt inmatunî
, viôt inmatunîsi
Var. inmatuît
, inmaturît
-
adi.
che al duar o che al è scuasi che al duar:
e jere ancjemò inmatunide e no veve voie di viarzi i voi (Jolanda Mazzon, Fûr di timp)
Sin. indurmidît
, impisulît
-
che al è in svaniment o che nol è te cundizion normâl di cussience:
"Oh! tant ben che je vignude siore comari, soi stât cumò dongje Miute, ma è li inmatunide che mi fâs pôre…" (Pieri Somede dai Marcs, Vilie di Nadâl (teatri));
co Samuêl jara colât inmatunît par tiara, prima di spirâ veva vût ancjimò la fuarsa par dîgji: «Maladet ladron, se no ti viôt anima viva, se che mi jâs fat, ti 'sa palesarà la luna!» (Ranieri Mario Cossâr, Il lusôr di luna)
-
che al è pierdût vie tai siei pinsîrs:
ancje Mirco si cjatave a voltis a passâ lis miezoris inmatunît tal timp che al jere difûr dal barcon, i voi fis tal vueit (Alan Brusini, Par stradis lungjis)
-
adi.
che al à pocje sensibilitât o che al è cence sensibilitât o indurît, massime par vie di une brute posizion o dal frêt:
dutis si sveavin, come che a jerin, inmatunidis e indolentradis (Maria Forte, Sul cjar di Pauli Gurin)
Sin. ingritulît
, imbramît
, gritulît
, indurmidît
, inçompedît
Cfr. infurmiât
-
adi.
cjapât di maravee, tant di no savê cemût reagjî:
al capite el re e al reste come inmatunît a viodi chist meracul (Dolfo Zorzut, El nanul e la fie dal mulinâr)
Cfr. scaturît
, incjantât
, instupidît
