identitât
i|den|ti|tât
[FO]
-
s.f.
corispondence perfete:
tantis diferencis […] in documents de stesse ete e de stesse divignince no puedin fâ pensâ ae identitât dai doi fenomens (Sandri Carrozzo, Benandants e Terapeutis / Terapeutidis);
un mont sestât e jerarchic intune identitât di gnoseologjie, ontologjie e assiologjie (Mario Turello, Il brevet)
Sin. avualance
, coincidence
, conformitât
, corispondence
, uniformitât
-
s.f.
complès dai caratars che a fasin distingui e ricognossi un individui o un grup sociâl:
jo i ai simpri tignût al furlan, o vin di jessi braurôs de nestre identitât (Christian Romanin, Dino Zoff: «O vin lidrîs buinis, o vin di tignîlis di cont»);
la identitât de comunitât nazionâl furlane e esist e intune civiltât di dirit e mene al dirit a esisti e a resisti a cui e a ce che al pretint che e disparedi (Adrian Cescje, Memoriis di politiche linguistiche)
-
complès dai caratars fisics e anagrafics par identificâ une persone:
il passepuart al vâl tant che document par dimostrâ la identitât personâl
-
mût di jessi:
la int ta la ostarie e pant la sô vere identitât, là che magari a cjase e scuen platâle (Alan Brusini, Gian Paolo Linda, I forescj)
-
s.f.
filos.
caratar di ce che al reste simpri compagn a se stes, ancje se in aparence al mude
-
s.f.
mat.
relazion di avualance che e je sodisfate par cualsisei valôr che si dedi aes variabilis
-
s.f.
mat.
te teorie dai insiemis, relazion che e associe ogni element dal insiemi cun se stes
-
s.f.
psic.
sens di se tant che sogjet che si manten identic tal timp e tal spazi