avualance
/-àn-/
a|vua|lan|ce
[CO]
-
s.f.
relazion jenfri doi o plui elements che a son compagns tra di lôr
-
[TS]
mat.
relazion binarie rapresentade dal simbul =:
il concet fondamentâl de contabilitât nazionâl al è costituît da la avualance de sume des rimunerazions dai fatôrs produtîfs di competence des fameis cu la sume dai bens e servizis finâi che a son stâts produsûts des impresis (Marzi di Strassolt, Dal Prodot Interni Lort aes misuris dal benstâ)
Sin. ecuivalence
-
s.f.
[CO, TS]
dir., polit.
cundizion che viôt ricognossûts chei stes dirits, chês stessis oportunitâts e chê stesse dignitât a ducj i individuis o a dutis lis comunitâts:
la tutele des minorancis linguistichis si coleghe a principis democratics tant che avualance, libertât, no discriminazion (Marc Stolf, Masse planc e cence plans. L'ûs public de lenghe furlane);
principi di avualance e di paritât di tratament di ducj i citadins (Roberto Pensa, «Il furlan che al jentri a plen titul intai concors publics»)
Sin. avualitât
Cfr. paritât