coincidence
/-èn-/
co|in|ci|den|ce
[CO]
-
s.f.
il jessi compagn o ecuivalent o corispondent:
e je la etiche personâl che e motive il citadin e che i mostre la coincidence fra convenience personâl e convenience sociâl (Claudio Sangoi, Economie plurâl)
Sin. corispondence
, ecuivalence
, identitât
-
s.f.
il sucedi tal stes moment, il corispuindi cuntun moment o cuntune determinazion temporâl:
il gjornâl, nassût ai 17 di Mai dal 2003, in coincidence cu la Zornade de Leterature galiziane […] (Carli Pup, La crisi dai media galizians)
-
s.f.
fat che al sucêt cence nissune cause o cence nissune volontât specifiche:
podìno par chest considerâ la sô invenzion dome il risultât di coincidencis fortunadis? (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
Sin. câs
, casualitât
, cumbinazion
-
s.f.
dade di timp, in gjenar avonde curte, cuant che un mieç di traspuart che al rive e un che al partìs a son ducj i doi te stesse stazion, permetint ai viazadôrs di passâ di un a di chel altri:
al cjalave sul libri dai oraris internazionâi lis oris e lis coincidencis (Mario De Apollonia, Il timp par ledrôs)