gridele
/-dè-/
gri|de|le
[AF]
-
s.f.
bariere fate di stangjis di fier o di altri materiâl une dongje di chê altre o che si incrosin tra di lôr:
te gridele de roste al veve viodût une femine inneade (Pieri Somede dai Marcs, A jerin lagrimis);
la puarte, fate di une gridele di fier grues e neri, si vierç cuntun scloc sort (Raffaele Serafini, B123ST)
Sin. fereade
, gatar1
-
s.f.
sorte di rêt o di telâr di stangjis di metal di meti sul fûc o su lis boris, par cuei parsore robe di mangjâ:
une mignestrute, par lui, di brût lunc, une fete di strachin o di cjar, scotade te gridele, cence cuince, e un miluç cuet (Amedeo Giacomini, Tal ospedâl);
lis gridelis [de sagre] a jerin daûr de glesie e la sere de domenie al jere un furmiâr di int a fâ la code (Antoni Beline, Pre Pitin)
Var. gradele
, gardele
, gredele
-
s.f.
(fig.)
grafic, scheme, formulari e v.i. cun liniis che si incrosin, cun caselis e sim.:
[il program di ricercje tal corpus] al permet di fâ ricercjis jemplant une gridele ordenade daûr dai cjamps di forme, leme, categorie gramaticâl, definizion flessionâl (Sandri Carrozzo, Franz Feregot, La elaborazion di un corpus etichetât de lenghe furlane scrite: esperiments e prospetivis)
Sin. tabele