Dizionari de Lenghe Furlane

gjalut  /-ùt/  gja|lut  [CO]

1. s.m. (dimin.) viôt gjal :  eco, un gjalut che al cjante (Emilio Nardini, La bissebove)
   
   1. figure di gjal di lamarin che e zire suntun pivot e che e segne la direzion che al sofle l'aiar:  alte sul cjanton, la torate de colombere come in vuaite, e il gjalut di lamarin su la nape (Dino Virgili, La aghe da pît la cleve)
2. s.m. (fig.) cui che al fâs il braurin o ancje il prepotent, soredut di zovin cu lis fantatis:  lis fiis, restadis di bessolis, si inviavin come polecis cun chei gjaluts de camisole rote che a sghirlavin intor de cjase dal Murat, e si rondolavin su la jerbe dai rivâi (Maria Forte, La cjase dal Murat); ce dî, po, dai gjaluts dal borc, che a vevin tirade sù la creste e slissadis lis plumis, massime i plui bulos (Gianni Gregoricchio, Lilie)
3. s.m. tal pl. non gjeneric di rosis che a vegnin jù in raps, tant che chei de agacie o dal solen
4. s.m. [CO, TS] bot.com. jerbe de famee des Fabaciis, cun rosutis zalis, lat. sient. Lotus corniculatus:  cualchidun, da râr però, al veve provât a semenâ ancje il gjalut, une jarbe tant preseade e tant golose pes bestiis de stale (Bepi Zampar, Canais di taviele)
5. s.m. bot.com. plante e rose che e sflorìs su la fin dal Invier, dal gjenar Primula, soredut in riferiment ae specie Primula acaulis
   Sin. pestelac , pestelacje , rose di madrac , flôr di Primevere , pastel² , primevere , primule , pivicje , pive , pivete , chichirichi , viole di cjan
   Cfr. busule

Polirematichis e espressions idiomatichis

• gjalut de biele creste loc.s.m.