gabinet
/-èt/
ga|bi|net
[CO]
-
s.m.
stanzie o ambient dedicât a une ativitât, soredut professionâl:
il gabinet di avocat (Cristina Noacco, Faliscjis);
la puarte che da tal gabinet des visitis [dal miedi] (Bruno Paolo Pellarini, L'anel striât)
Cfr. studi
, laboratori
, lavoratori
-
s.m.
ufici e personâl di ufici cuntune funzion specifiche intune struture governative, politiche, aministrative e v.i.:
l'ex sorestant Cesar Marzagora che al fo tal cuart gabinet di Degasperi (Josef Marchet, O blanc o neri);
"[...] il segretari di gabinet dal prefet al à dit che bisugne rindi cont sul lavôr de tô sezion" (Pieri Somede dai Marcs, La veretât e va ben simpri dite)
-
s.m.
stanzie cun ce che al covente pe netisie personâl e cui servizis igjienics:
si siare ogni matine in gabinet / par piturâ la muse cul sbelet (Pieri Çorut, La siore Seghete);
i gabinets a jerin nets (Fabian Ros, La rambe)
Sin. cabôt
, bagn
, necessari