Dizionari de Lenghe Furlane

laboratori  /-tò-/  la|bo|ra|to|ri  [AF]

1. s.m. ambient o stabiliment li che si fâs une ativitât produtive:  se cualchidun al fos jentrât tal so laboratori [di marangon], fûr che seadice e splanadure, nol varès cjatât par tiere piç e nuie di plui (Fabian Ros, L'om che al pierdeve pinsîrs pe strade); [Linùs] a pene che al podè al vierzè a Mueç un laboratori di tiessidure dal lin (Adrian Cescje, Liniis di storie sociâl e economiche dal Friûl 1500 - 1800)
   Var. lavoratori
2. s.m. ambient o stabiliment li che si fâs une ativitât di ricercje e sperimentazion:  lis domandis "sientifichis" a son chês che a puedin jessi sometudis a verifiche sperimentâl […] o chês che a puedin jessi formuladis in tiermins operatîfs, al ven a stâi midiant ativitâts concretis in laboratori (Sergio Cecotti, Teologjie algjebriche)
   
   1. ambient intune scuele li che a son machinaris o struturis che a permetin di fâ sperimentazion:  in cheste scuele al jere ancje un laboratori di chimiche e la ma tematiche e vignive considerade une vore (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
3. s.m. [TS] scol. ativitât didatiche che e previôt la partecipazion pratiche e la sperimentazion di bande dai arlêfs:  lis ativitâts di laboratori a àn ocupât la plui part dal timp di ogni incuintri te seconde part dal cors (Alessandra Burelli, Il furlan te scuele de autonomie)
4. s.m. lûc dulà che a nassin e che si disvilupin esperiencis di novitât tal cjamp artistic e culturâl:  Onde Furlane e je un laboratori permanent di creativitât e di iniziativis che a valorizin la lenghe e la realtât plurâl dal Friûl (Natascia Gargano, 35 agns di Onde Furlane); il Comun di Sedean al ospitarà L'Insium, o ben il prin laboratori permanent di ricercje musicâl (Alessio Screm, I artiscj de musiche si cjataran a Sedean tal non dal jazz, dal contemporani e di Pasolini)
   Sin. buteghe , farie
   
   1. lûc, ambient o situazion li che a sucedin cierts fenomens:  lis comunitâts di cheste regjon vuê a son une farie, un laboratori di convivence (Carli Pup, Pes lenghis di Alp Adrie)