fufignâ
fu|fi|gnâ
[CO]
-
v.tr.
tocjâ plui voltis, ancje fin a fruiâ o fruçâ
-
v.tr.
tocjâ plui voltis tant che segn di afiet o ancje cun intindiment erotic:
i dêts a tornin a fufignâ i lavris de nature (Stefano Gasti, Cjarecis e lagrimis)
-
(fig.)
tratâ cun afiet, devozion, amôr e v.i.:
sô mari le fufigne come se e fos une regjine (Josef Marchet, Lis predicjis dal muini)
Cfr. cjarinâ
, figotâ
-
v.tr., v.intr.
fâ alc in sens gjeneric, indeterminât, in gjenar in sens negatîf:
e va a fufignâ dongje la nape (Bruno Paolo Pellarini, L'anel striât);
al tornà a fufignâ intor de machine dal cafè (Alviero Negro, Serafin);
tal parlament si veve fufignât su timps e manieris par organizâ la consultazion (Luciano Lister, 30 agns di indipendence: cuant che a Lubiane a àn fat “di bessôi”)
Sin. cjossolâ
, trapolâ
, traficâ
-
fâ lis robis in maniere aprossimative, imprecise, cun pocje cualitât o atenzion:
e Çorut va calant a precipizi: / pâr che i pesi il servizi, / al tichigne, al pendole, / al fufigne, al cjossole, / l'à piardût il cerviel, / al è za vieli e grîs, nol è plui chel (Pieri Çorut, Preambul a la Racolte 1837)