frece
/frè-/
fre|ce
[AF]
-
s.f.
arme fate di une aste spiçade o cuntune ponte di materiâl dûr, pal solit cun alutis di stabilizazion, fate par jessi trate cul arc o cu la balestre:
frecis e claps, vueli e peule bulint / butin aduès di chei besteons rabiôs, / e, in mieç di lôr, l'è il duche che al si bat / da vêr soldât furlan e coragjôs (Bepo Marion, La storie di Gjisulfo e di Romilde);
finît il fier duel, Enea disè: / "Cui è di vô che uli tirâ di freça?" / E al istès timp ju premis esponè / par chei, che avessin vût maiôr destreça (Zuan Josef Busiç, La Eneide di Virgjili)
-
(ancje fig.)
in metaforis o paragons par dî di alc o di cdn. une vore svelt:
sbrissant vie, tant che frecis, i pessuts / imboreçâts: e jo, par tignîju dongje, / me gjoldevi a butâur fruçons di pan (Zaneto Del Puppo, La Pâs)
Sin. fulmin
, fuset
, saete1
, fusete
-
s.f.
forme o figure cuntune ponte di une bande, doprade pal solit tant che segnâl par indreçâ:
là sù, su la strade, e je une piere scrite: «Strada di Germania» e une frece e mostre de bande des monts di Cjargne (Dino Virgili, La aghe da pît la cleve);
al jere dome un cartel cun stranis nons e frecis che a levin par ogni pont cardinâl (Checo Tam, Sense)
-
s.f.
lûs intermitente che si pues piâ sui cjantons a diestre o a çampe di un veicul, o che e je montade su supuarts di pueste par che si viodi, par segnalâ i cambiaments di direzions:
tache in moto che o tachìn a movi il cûl e o tachìn a niçâsi e che "Mandi mame, che mi rimpini bande Udin" e seconde che usgnot no grate e tierce a sdrondenon e cuarte juste a pêl denant de glesie e fûr la frece, frizion pontade a bombe. Ferme un lamp (Massimo Govetto, Sbigule)