fortunât
for|tu|nât
[FO]
-
adi., s.m.
che, cui che al à fortune, che al è favorît de fortune, che al à fat fortune e v.i.:
cuasi ducj chei dal Canadà si son plantâts là vie, si son fats un bon non, une buine posizion tant di someâ i plui fortunâts dai furlans pal mont (Francesc Placerean, Cuintristorie dal Friûl dal 1866 fint in dì di vuê);
cun tante int che e je tal mont, al jere stât ben fortunât a vê un pari cussì (Alan Brusini, Par stradis lungjis);
di cui che al è tant fortunât si dîs ancjemò "Chel li al à cjatât il miluç de magne!" (Sandri Carrozzo, Friûl di Magance)
-
adi.
di alc, che al è caraterizât di fortune:
une circostance fortunade par Turo [Malignani] e pues sedi stade chê di vê lavorât suntun teren bielzà arât a ricevi cheste sorte di iluminazion: l'ambient familiâr e la preparazion scolastiche (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
adi.
che al ven ben, che al à sucès:
de Svuizare nol covente fevelâ: al è il plui lusorôs, il plui fortunât, il plui persuasîf esempli di ordenament federâl dal mont (Josef Marchet, Trê salts tal scûr: costituzion - republiche - autonomie)
Sin. convenient
, favorevul
, positîf
, bon
, biel
Polirematichis e espressions idiomatichis
Proverbis:
- baste jessi mûi par jessi fortunâts
- cui che al è batût al è ancje fortunât, par sience o par sostance
- cui che al è fortunât in amôr che nol zui di cjartis
- cui che al è mat nol vuarìs mai e se al vuarìs al è fortunât assai
- fortunât cui che al à un voli tal paîs dai vuarps
- fortunât cui che al impare a spesis dai altris e no a spesis sôs
- fortunât in amôr, disfortunât a cjartis
- in chest mont bisugne nassi fortunâts
- la vite e je il content dai fortunâts, il malcontent dai disperâts
- la vite e je il content dai fortunâts, il torment dai disgraciâts
- tal paîs dai vuarps al è fortunât chel che al à un voli sôl