favorevul
/-è-/
fa|vo|re|vul
[AF]
-
adi.
che al considere cun favôr, che al è ben disponût, che al è a pro:
chi ret a son començadis lis discussions [su la riduzion de setemane di scuele]. A 'nd è di favorevui e di contraris (Riedo Pup, Fâ e disfâ, dut un lavorâ);
su la presince dal furlan tes scuelis, a son favorevui plui di doi tierçs dai intervistâts (Donato Toffoli, Relazion dal Grup di lavôr "Planificazion linguistiche")
Sin. a pro
-
che al pant favôr, aprovazion:
e prevalè la reson de mari e cussì a convignirin che, cuant che al fos vignût mestri Nart, i varessin dât rispueste favorevule (Roberto Ongaro, Cretevierte);
fin cumò sei il Guvier che la Rai chel parê favorevul dal Parlament lu àn metût sot i pîts (Arnalt Baracêt, Ancjemò in lote pal furlan in television)
-
adi.
che al procure vantaç, che al jude, che al permet:
la clime e jere favorevule ae nassite di un gnûf mieç, ancje se lis incognitis no mancjavin (Max Mauro, Un Friûl difarent: i 90 mhz di Onde Furlane)
Sin. positîf
, propizi
, bon
-
adi.
che al è o che al somee indreçât al ben, a un risultât positîf:
une operazion che la riessude daûr des statistichis lis plui favorevulis e jere mancul dal vincj par cent (Amedeo Giacomini, Tal ospedâl)
Sin. positîf
, propizi
, bon