fondon
/-òn/
fon|don
[CO]
-
s.m.
part fonde, indentri, ingjavade, soredut tal jet di un flum:
verde, fonde, cidine / la aghe del Nadison si ferme e tâs: / plui no cor, no busine / co rive sot il puint di Premariâs. / Ma, jemplât il fondon, / si spant sul ôr e si piart vie sui claps (Enrico Fruch, Sul puint di Premariâs);
[la aghe] e polse tai fondons / clare, colôr dal cîl (Spartaco Muratti, A scuele... e fûr)
Sin. fondece
, abìs
, boion
, sfont
, gorc
-
s.m.
base solide di un bacin naturâl o artificiâl o in câs ancje di un contignidôr:
lis sepis a vivin grant part de lôr vite tal fondon dal mâr (Lucian Verone, Sepis cui cesarons)
Sin. fonts
, sfont
-
s.m.
(fig.)
part indentri, profonde, platade, soredut te psiche o tai sintiments:
il fantat si sintive disledrosâ fintremai il fondon dai siei pinsîrs plui segrets (Gianni Gregoricchio, Îr e doman)
Sin. fonts