fondi
/-ò-/
fon|di
[AF]
-
v.tr.
fâ passâ dal stât solit a di chel licuit:
dilunc de prime vuere mondiâl scuasi dutis lis cjampanis dal Friûl a forin fondudis: il bronç al fo doprât par fâ canons (Monika Pascolo, Il sun de fieste)
Sin. disfâ
-
v.intr.
di materiâl, passâ dal stât solit a chel licuit:
[il fari] cuant che al pensave a dutis chês robis, se al veve un fier tal fûc, lu lassave fondi cence inacuarzisi (Roberto Ongaro, Cretevierte)
-
v.tr.
fâ ogjets butant intun stamp materiâl fondût:
sclesis [di proietil di artiliarie] che si à di cjapâ sù e tignî cont pe Gjermanie che e scrupule di tornâ a fondi cun lôr altris bombis (Ivano Urli, Storie di Min)
Sin. colâ2
-
v.tr.
(ancje ass.)
fâ che un motôr, scjaldantsi masse, al vedi un dam une vore grâf e nol funzioni plui:
il Shell al faseve lâ sù di zîrs il motôr che lu imbalave, e trombetâ a dut clacson e zigâ chei altris daûr e rugnâ lis motos di fondilis (Dino Virgili, La strade come un destin)
Sin. brusâ
-
v.tr.
meti intune doi complès:
une razionalitât tindude a fondi in unitât i popui, cul convinciju sui vantaçs di apartignî a une stesse civiltât (Adrian Cescje, Viaç aes origjins dal Logos);
la mê idee duncje e font un omaç ae nestre storie cu la musiche moderne (Natascia Gargano, Sperimentant tra vilotis e Gjamaiche cun DJ Tubet)
Sin. associâ
, meti adun
, unî
, unificâ