fondâl
fon|dâl
[CO]
-
s.m.
superficie de tiere sot di une masse di aghe:
si trate di sgiavâ la imbocjadure di Puart Bûs, di dreçâ diviarsis curvis dal canâl e di puartâ il fondâl navigabil a cuatri metros e mieç sot la medie magre (Bepo Fughin, Il puart di Noiâr)
Sin. fonts
-
s.m.
[TS]
teatr., cinem.
telon o grant panel o complès di panei piturâts che a rapresentin lis robis lotanis daûr de sene:
ju clamavin pardut lenti ator, indulà che al jere un palc, o une sale, o un curtîl di podê tirâ sù une cuinte o un fondâl di tele (Alviero Negro, La Passion);
il fondâl al mostre crets, cualchi arbul e un livinâl (Mario Falescjin, A Ponteibe cun la agane Crinilde)
Sin. fonts
-
s.m.
(fig.)
ambient, paisaç o cundizion che a son ator o daûr di un lûc o di une azion:
intune vile di siôrs, dongje Udin, sul fondâl di une limpide soresere furlane (Dino Virgili, Il Strolic furlan pal 1968);
il paîs al à une blanchisie che e tarlupe sul fondâl revit, vert e salvadi de mont (Lelo Cjanton, Vît)
Sin. fonts
, suaze
-
s.m.
[TS]
sart.
striche di tiessût cuside da pît dai bregons o li dal cûl dai bregons, tant che rinfuarç:
i à lassade une sostanziute a fuarce di fruiâ i comedons e el fondâl des braghessis (Arturo Feruglio, El sclopon)
Sin. fondel
-
s.m.
[TS]
edil., artes.
imprest fat di un retangul plac di len o di metal, di 30-40 cm, cuntun mani di une bande, par dâ sù e slissâ malte o stabilidure
Sin. fratàs
Cfr. fraton1
, fratassin
, fratonele
, fratoncin
