fas
fas
[CO]
-
s.m.
complès di ogjets, luncs e fins, tignûts dongje:
a tornà a lens pa la mont e li aghi; a steva via zornadi interi a tirâ dongja e a strenzi sot fas e fassini da puartâ dongja e meti via (Novella Cantarutti, Il pan da la Guda);
la Vierte cuntun macet di rosis e ramaçs di pierçolâr florîts, l'Istât cun la sesule e un fas di forment (Pieri Menis, Chei di Muraie);
puartâ sù sul cjast i fas di fuee pai cavalîrs (Riedo Pup, I furlans e Sante Catarine)
Sin. grampe
, mac
, manel
, fassine
, mane2
, manule
, manulin
-
cuantitât bondante di robis che si puedin tignî in man o tai braçs:
al vierzè il cassetin dal armâr, al sgarfâ tra un fas di cjartis vecjis, eco une buste fufignade, inzalide dal timp (Pieri Somede dai Marcs, La cjarande)
-
(fig.)
complès, grum indiferenziât:
no podìn lassâsi cjapâ ducj tun fas e dividi lis responsabilitâts tremendis di cheste gjernazie cence cjâf (Josef Marchet, Par intindisi)
-
s.m.
[TS]
fis.
complès di radiazions che a partissin di une font uniche e che a formin un angul solit ben definît:
si pues viodi che la lûs laser e je polarizade, al baste pontâ il fas cuintri dal mûr e intercetâle cuntun polaroid (Marisa Michelini, Alberto Stefanel, La polarizazion de lûs)
-
s.m.
[TS]
anat., bot.
grup di fibris che a àn dutis la stesse direzion
Polirematichis e espressions idiomatichis
Proverbis:
- a prometi no dûl la schene, ma ben a puartâ il fas
- cuant che la femine e nas l'om al à di savê puartâ il fas
- ogni jerbe intun fas