fantasime
/-tà-/
fan|ta|si|me
[AF]
-
s.f.
anime di un muart:
i viei a contin che prin dal Concei di Trent e jere dute une sdrume di danâts, spirts e fantasimis che a torzeonavin pal mont a messet dai vîfs (Josef Cjargnel, Batistute);
i pareve che il linzûl si movès… come se di front di lui e fos une fantasime… (Checo Tam, La trombe)
Sin. comparence
, ombre
, spirt
, parence
-
adi.inv.
che nol esist plui, che nol esist, che al è di chel altri mont e v.i.:
ciertis gnots e sintive ancje cualchi glon che l'aiar al robave ae cjampane fantasime dal imbarcjadôr (Maria Forte, Cjase di Dalban);
il sunsûr nol jere vêr, al jere di une caroce fantasime (Carlo Sgorlon, Il dolfin)
-
(fig., iperb.)
vuait, bandonât, cence int, che nol è plui vîf o ancje che nol è ancjemò vîf:
[il taramot] al à sdrumât buine part dai edificis, e al à mudât cheste biele localitât intun paîs fantasime (Walter Tomada, Dôs zimulutis a inluminin Stele)
-
s.f.
pinsîr, persone o situazion menaçose o displasevule che si cîr di ignorâ, ma che e torne simpri a saltâ fûr:
Jolande e fevelave dome di numars, di ipotechis e di spesis, ma tant jê che lui a sintivin che jenfri chês cjartis si movevin ancjemò lis fantasimis dal timp passât (Carlo Sgorlon, Prime di sere);
la idee che Nando al stave par strabalçâ tal matrimoni, no jere plui une fantasime cence pês, ma une veretât che e veve un non e une muse (Maria Forte, Cjase di Dalban)