Dizionari de Lenghe Furlane

fâ vuere    [CO]

1. loc.v. fâ tacâ e puartâ indevant un conflit militâr di grandis proporzions, in gjenar jenfri doi o plui stâts o popui intîrs:  nissun nol po tignî un esercit cence il permès dal parlament; il patriarcje nol po fâ vuere cence il permès dal parlament (Francesc Placerean, La nestre storie)
   Sin. fâ la vuere
   
   1. combati intun conflit o intun combatiment:  e vâl plui a fâ barufe la nestre nobiltât che no a fâ vuere, mi pâr! (Alviero Negro, Strumîrs e Çambarlans)
2. loc.v. (fig.) fâ cuintri ben a fuart, ma ancje dome a peraulis o in ogni câs no cun azions militârs:  chest sfuei al è nassût cun chel intindiment: di fâ vuere aes cjacaris e ai cjacarons, di spacâ il polvar ai biâts indurmidîts, di scjassâ la aghe dal stomi ai furbons che a vuelin peâ il mus indulà che ur torne cont (Josef Marchet, Alo, indenant!)
   Sin. fâ la vuere

Components:

• fâ v.tr., s.m., v.intr.
• vuere s.f.