Dizionari de Lenghe Furlane

fâ la vuere    [CO]

1. loc.v. fâ tacâ e puartâ indevant un conflit militâr di grandis proporzions, in gjenar jenfri doi o plui stâts o popui intîrs:  a lui cheste smanie di lâ a fâ la vuere a un neri, intun paîs a remengo vie par là di là dal mâr, no i lave propit jù, massime parcè che, par fâ la vuere, a coventin soldâts e i soldâts a son tancj braçs di mancul te campagne (Gianni Gregoricchio, Îr e doman)
   Sin. fâ vuere
   
   1. combati intun conflit o intun combatiment:  dal 1916, in Fevrâr, mi àn mandât in Cjargne a fâ la vuere, sul Freikofel, la mont che e sta fra il Pâl Grant e il Pâl Piçul (Pieri Menis, La vuere sul Freikofel)
2. loc.v. (fig.) fâ cuintri ben a fuart, ma ancje dome a peraulis o in ogni câs no cun azions militârs:  lis istituzions a son stadis latitantis, o, piês, a àn fate la vuere cuintri de lenghe, a àn judât a fânus pierdi la stime, la dignitât, il valôr dal nestri patrimoni culturâl (Roman Michelot, Glesie Furlane)
   Sin. fâ vuere

Components:

• fâ v.tr., s.m., v.intr.
• vuere s.f.