Dizionari de Lenghe Furlane

fâ un pas indaûr    [AF]

1. loc.v. lâ indaûr, zirucâ:  il segretari al si fâs seri in muse e al fâs un pas indaûr cuasi par dâmi plui puest (Pieri Somede dai Marcs, A è lade cussì…)
2. loc.v. ripiâ un detai di une conte o di un resonament che tal ordin cronologjic o logjic al jere prime:  culì la viele tal contâ, e faseve un pas indaûr. Di zovine e veve sintût a dî dai viei che lis animis dai muarts si palesin in plui mûts e no simpri cun ande di pôre (Alan Brusini, Come tai romançs); par spiegâsi o vin di fâ un pas indaûr, une piçule digression preliminâr (Sergio Cecotti, Teologjie algjebriche)
   Sin. tornâ un pas indaûr
3. loc.v. fâ alc che si pues considerâ in cualchi maniere une rinunzie, une concession, un ritirâsi e v.i.:  jo pal moment o fâs un pas indaûr [lassant di jessi diretôr di La Patrie dal Friûl] metintmi a complete disposizion di cui che al vignarà (Dree Venier, Un mandi)
4. loc.v. vê une involuzion, un decjadiment:  o crôt che la Glesie in Friûl e vedi fat un pas indaûr di almancul une trentine di agns (Angelo Floramo, Il Vanzeli seont Pre Checo. Ce che a disaressin dal Friûl di vuê, chei che a àn fat la sô storie)
   Sin. lâ in piês

Components:

• fâ v.tr., s.m., v.intr.
• indaûr av., inter., adi.inv.
• pas