Dizionari de Lenghe Furlane

fâ specie    [CO]

1. loc.v. lassâ impressionât, scaturît, maraveât:  Sebast che al jere governant di Aquilee, lu cjapà e lu fasè bati a sanc, sgrifignâ, spelâ, scotâ tal stomi e tai flancs: e Ramacul dûr, al preave e al laudave Diu, che al faseve specie a dute la zitât (Dino Virgili, La aghe da pît la cleve); e dovè adatâsi a vivi di rosade, di mût che in pôc timp a si ridusè che faseve specie (Luigi Gortani, Meni Fari); i zigons no mi fasin specie: jo o sai che Gjino de Penze al è plen di ande, nome parcè che la plui part dai paisans a mostrin di vê pôre di lui (Josef Marchet, Lis predicjis dal muini)
   Cfr. dâ di maravee , fâ stupî , fâ sens , fâ impression , fâ bot , fâ bote

Components:

• fâ v.tr., s.m., v.intr.
• specie s.f., av.