Dizionari de Lenghe Furlane

fâ impression    [CO]

1. loc.v. causâ un stât di pôre, riviel o emozion avonde fuarte ancje no ben definide:  "Se par cumò no ja bisugne di me, signorine, jo o larès fûr parcè che i muarts mi jan simpri fat impression" (Jolanda Mazzon, Di là de rêt)
   Cfr. fâ sens
2. loc.v. causâ une considerazion di impuartance, di gravitât, di sudizion:  dispès par fâ impression al puartave fûr un messâl grant come un taulîr e al passave a vôs alte lis malatiis, scuasit cul gust di fâ sintî la sô sapience (Maria Forte, Il Bide di Miot); «No disês nuie. Parcè no?». Ducj cidins. «Us fasio impression che o tasês? Ma ridêt, ma sbrocaitsi une volte! […]» (Meni Ucel, La ombrene)
   Sin. fâ bot , fâ câs , fâ bote , fâ colp

Components:

• fâ v.tr., s.m., v.intr.
• impression s.f.