Dizionari de Lenghe Furlane

fâ par mût di dî    [CO]

1. loc.v. pal solit in incîs, par fâ notâ che ce che si à dit al à un valôr dome formâl, che la sostance e je dal dut diferente o fintremai contrarie:  no passe setemane che la nestre Regjon no tuteli, difindi e valorizi culture e lenghe furlanis (si fâs par mût di dî) (Riedo Pup, In Friûl cul passepuart)
   Sin. fâ par un dî
   
   1. par specificâ che si fevele par fevelâ cence serietât, cence che si vedi di dâ impuartance:  "Ce vûstu dî?" "O vuei dî che se no tu vessis plantât chel claut dulà che tu lu âs plantât…" "Chescj e son afârs miei!" "Si capìs! O fâs par mût di dî… Ma o ti garantìs che fra un sargjentin forest e un famei nostran, no je po dute ste diference" (Ercole Carletti, Mariute)

Components:

• dî v.tr., v.intr., s.m.sing.
• fâ v.tr., s.m., v.intr.
• mût s.m.