Dizionari de Lenghe Furlane

fâ il plasê    [CO]

1. loc.v. fâ une azion che e je desiderade di cdn. altri, soredut in espressions imperativis o esortativis:  "Faitmi il plasê di vignî cun me" (Zuan Luîs Filli, Il diau sul Studeniz); copari Michêl, za che tu sês in pîts, fâs il plasê di tirâ dongje chê mostre di puarte (Josef Marchet, Lis predicjis dal muini)
   Sin. fâ la gracie
   
   1. (enf.) in esclamazions, par domandâ fevelâ, di resonâ, di compuartâsi cun plui coretece, plui rispiet e v.i. o tant che espression di critiche, di disacuardi:  "Ma nissun nol matee, nissun nol cjante e nol bale; e la nuvice manco dai altris… Ma che al mi fasi il plasê: sono matrimonis, chescj ca?" (Ercole Carletti, L'amôr vieri); "I crodeisu di rivâ a Tavagnà e che a vedin un numar di cjasa dulà che a stan li a spietâ che i rivedis vualtris? Ma faseitmi il plasê!" (Stiefin Morat, Donald dal Tiliment)

Components:

• fâ v.tr., s.m., v.intr.
• plasê² s.m.