Dizionari de Lenghe Furlane

evidenziâ  e|vi|den|zi|â  [CO]

1. v.tr. fâ viodi, fâ notâ cun atenzion:  jo o varès partecipât cuntun discors ae introduzion de conference par evidenziâ che la cundizion di dificoltât sociâl e culturâl storiche dal Friûl e dipendeve in buine part de sielte di tratâlu come tiere di destinazion militâr (Adrian Cescje, Memoriis di politiche linguistiche); un messaç clâr, positîf e che al evidenzie subit cui che al è il protagonist (Sandri Di Suald, Comunicâ la autonomie)
   Sin. meti in evidence , meti in lûs , rilevâ¹ , rimarcâ , riscontrâ , sotlineâ , mostrâ
   
   1. segnâ un test o sim. cuntun colôr che si viôt subite
2. v.tr. jessi un segnâl clâr, une prove che si rive a viodi:  il prin PGjPL, di cuant che la leç e je in vore, al è stât finalmentri aprovât de Zonte regjonâl dome ai 29 di Mai dal 2015. Chest al evidenzie lis grandis dificoltâts che la atuazion de leç intal so complès e à cjatât (Marc Stolf, Masse planc e cence plans. L'ûs public de lenghe furlane); cuntun centralisim regjonâl simpri plui arogant, prepotent, che al evidenziave cun clarece lis sôs sieltis di cjamp (Dree Valcic, Zuìn l'as di briscule)
   Sin. esaltâ , sclarî , meti in evidence , meti in lûs , mostrâ , rimarcâ , sotlineâ , dimostrâ