esemplâr
e|sem|plâr
[AF]
-
adi.
che al pues coventâ di esempli, di model:
dispès, chestis fiestis, cundut che a fasin riferiment a events di un passât plui o mancul lontan, a esistin dome di cualchi desene di agns. Al è esemplâr il câs de Fieste de Patrie dal Friûl (Marc Stolf, Nazions cence stât in fieste, dal Gales al Paîs Basc: lis fiestis di chei altris)
Sin. dimostratîf
, model
, emblematic
, rapresentatîf
, tipic
-
che si pues cjapâ di model positîf:
al à menât une vite tant esemplâr, che al è deventât sant (Luigi Gortani, Sant Martin);
une azion sociâl che ancje in dì di vuê e reste esemplâr, model di sapience e di justizie (Angelo Floramo, La cuintristorie de ocupazion veneziane)
Sin. edificant
-
adi.
che si compuarte in maniere perfete:
a Pieri i plaseve tant jessi, in plui che un pari di famee esemplâr, un mestri di vite (Igor Londero, Delit in vie del Lavoro)
Sin. perfet
, model
-
s.m.
singul individui o toc di une cierte categorie, specie e v.i.:
il zûc al è stât realizât in mil esemplârs e al ven regalât aes classis des scuelis primariis dal Friûl (Erika Adami, Il zûc de ocje in lenghe);
chei dal istitût di Conean a vegnin simpri a cjoli esemplârs [di vît] par studiâju e par sperimentâju (Redazion il Diari, Il paleontolic dal vin furlan)
Sin. esempli
, campion