dulî
du|lî
[AF]
-
v.intr.
(ancje fig.)
fâ mâl, vê mâl, dolôr, sedi fisic che psicologjic:
un fugarel cence flame che al jemplave par dut di une puce che si tacave intor e di fum che al faseve dulî i voi (Pieri Menis, Il cuader de none);
a 'nd veve vonde, al diseve, dai siei malans: lis mans e i pîts che, pal frêt patît, i dulivin a ogni siroc (Alan Brusini, Alpin jo mame!);
al jere strac, sfinît, il cjâf i dulive (Pieri Somede dai Marcs, Il segno);
se il cûr ti dûl, torne in Friûl
Var. dolê
-
v.intr.
jessi cause di displasê:
a none Lise no i dulive plui che la brût e stes lontane; che e veve a cjâr, scuasit, di sei bessole (Maria Forte, Cjase di Dalban)
Sin. pesâ
, rincressi
, brusâ
, displasê2
Proverbis:
- a chel che no i dûl il cjâf, i va ben di dâ coraç
- a contâ balis, no dûl la schene
- a cui che al fâs a so mût, no i dûl il cjâf
- a fâ sù pe schene di chei altris, nol dûl
- a imprometi no dûl la schene
- a prometi no dûl la schene, ma ben a puartâ il fas
- cui che al consee no i dûl il cjâf
- cui che al è usât a stâ picjât no i dûl il cuel
- cui che al mangje trop, i dûl la panze
- cui che i dûl che si sofli
- cui che no i dûl, ben al scortie
- dulà che il dint al dûl la lenghe e trai
- dulà che nol dûl no si lee
- il lat di Atom al fâs dulî la panze di Invier
- il mâl che si vûl nol dûl
- la lenghe a bat dulà che il dint al dûl
- la ombrene dal mês di Avost e fâs dulî la panze il mês di Zenâr
- o ai dîs dêts tes mans e se mi tai il plui piçul, mi dûl
- ombrene di Istât, e dûl la panze di Invier
- se la done a vûl comparî, la crodie dal cjâf e devi dulî