dose
/-ó-/
do|se
[AF]
-
s.f.
cuantitât misurade in maniere precise di une cierte sostance, in mût che e puedi jessi doprade intune volte o intune cierte dade di timp par vê un efiet:
"Che e prepari une dose triple di valium", al disè il miedi (Amedeo Giacomini, Tal ospedâl);
lu àn metût sot medisinis deliriolitichis e a àn aumentât lis dosis di antiepiletics (Franc Fari, Il cjâf dai furlans)
-
cuantitât di ingredient intune ricete di cusine:
cuntune dose cussì, par une fersorie di 20 cm, si rive a vê 8-10 crêpes (Margherita Timeus, Masse cjalt par gustâ? e jo mi sbrochi a gulizion…)
-
s.f.
cuantitât di radiazions che al è stât esponût un organisim:
103 lavoradôrs a àn ricevût dosis parsore di 100 mSv, 95 di lôr dosis tra 100 e 200 mSv (Alessandro Pascolini, Il disastri de centrâl nucleâr di Fukushima Dai-ichi)
-
s.f.
(fig.)
cuantitât in gjenar, ancje di alc di imateriâl:
e covente chê dose di orgoi, chê dose di fiducie in se, chê dose di dî "No sin int di scovacere, ancje se o vin pierdût dut!" (Francesc Placerean, La vite no je cuintriposizion di valôrs ma armonie di realtâts complementârs);
no ocor tant studi, baste une piçule dose di bon sens (Giuseppe Ferdinando del Torre, Il contadinel. Lunari par l'an 1869)
Sin. misure
, rate
-
s.f.
(fig.)
costipazion fuarte:
o scuen spietâ che si sfanti un pûc: no pues migo presentâmi denant dal client, che al crôt tal miracul des Termis, cun cheste dose di rafredôr? (Vico Bressan, Scaiis - Il Strolic furlan pal 1983)
Sin. sope
-
s.f.
robe di bevi cjalde, fate cun infusion o bulidure di miluçs, piruçs, carubulis e melaç, che une volte si vendeve par strade tai mês frêts:
il grîs di lungjis zornadis di no savê ce fâ: trê centesims di dose e doi di ufiei, in Place des Jarbis, dentri Udin (Dino Virgili, La aghe da pît la cleve)