divorâ
di|vo|râ
[CO]
-
v.tr.
mangjâ une vore, cun tante fam o voie, ancje in maniere salvadie:
no si mangje culì, ma si divore (Pieri Çorut, Une gnove citât in Friûl - Il gustâ);
un sentâsi, disordenât e scunît, a divorâ la purizion di polente e formadi come i plui puars dal mont (Maria Forte, La tiere di Lansing)
Sin. lovâ
, tafiâ
, diluviâ2
Cfr. mangjâ
-
v.tr.
fâ che alc si ruvini o che cdn. al vedi un dam o che al vedi mâl:
ju veve cjapâts une malinconie che ju divorave dì par dì, e di chê a son muarts (Alan Brusini, Come tai romançs)
Sin. roseâ
, mangjâ
-
v.tr.
(fig.)
lei une vore o lei dut tun colp o une vore in curt:
tal dopodimisdì muart de domenie, lui al divorave un libri daûr di chel altri, ancje trê o cuatri in dì (Carlo Sgorlon, Il dolfin)
Sin. mangjâ
, brusâ
