Dizionari de Lenghe Furlane

dirit  /-ìt/  di|rit  [FO]

1. s.m. complès di normis che a regolamentin i rapuarts sociâi:  ogni colpe e à di vê une pene conforme, al dîs il dirit (Ivano Urli, Vuadagnâsi il gustâ); il dirit costituzionâl inglês no si aplicave a la Scozie, che e veve un so dirit costituzionâl imodificabil dal Parlament di Westminster (Sergio Cecotti, Il risultât eletorâl dai partîts di identitât teritoriâl - A case study: Scottish National Party); dirit public
   Sin. leç
   Var. derit , drit
2. s.m. dissipline e materie di insegnament che e studie chês normis:  la riforme costituzionâl judie o copie la autonomie? Il dibatit al è viert e al met cuintri studiôs di dirit, politics e ancje esponents dal sindicât (Walter Tomada, Referendum su la Costituzion, si ucin lis armis)
3. s.m. robe dovude o pussibilitât che e derive de leç scrite o de leç naturâl:  i conseîrs a àn dirit di interogazion, interpelance, mozion, emendament (Aministrazion Publiche, Statût dal Comun di Udin); par fâ valê i siei dirits, par podê fâ cuintri il testament dai siei, e otignî la legjitime, Nicolau al varès scugnût tirâ i fradis in tribunâl (Carlo Sgorlon, Ombris tal infinît)
   
   1. principi, concet di justizie:  cun ce dirit, cun ce autoritât, par ce reson mi vegnial a dâ ordins e proibizions a mi? (Josef Marchet, Lis predicjis dal muini)
   2. robe che si à meretât o che no si pense che e puedi jessi dineade:  il gno compit al è finît e o ai ancje jo il dirit di lâ a distirâ i vues in rie! (Franca Mainardis, Un bosc cence colôrs)
4. s.m. [TS] stor. prerogative di origjin medievâl su alc, massime suntun consum, che il detentôr al podeve scuedi in forme di tribût:  se il contadin al voleve fâ passonâ lis sôs pioris sui siei cjamps, al veve di paiâ une cuote a chel che al veve dirit di pensionatic (Adrian Cescje, Liniis di storie sociâl e economiche dal Friûl 1500 - 1800)
   
   1. il tribût stes imponût in non di chê prerogative
5. s.m. [TS] burocr. spec. tal pl., impueste fisse stabilide di ciertis normis o tant che cuintripart di un servizi:  paiâ i dirits di segretarie par un passaç di proprietât
6. s.m. [BF] (pop.) il fat di dovê, scugnî fâ alc e ce che si è tignûts a fâ:  jo no ai nissun dirit di mantignîlu (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. dovê¹ , oblic

Proverbis:

• al è miôr brusâ siet vilis che no pierdi un dirit
• dulà che nol è nuie il re al piert i siei dirits
• la aghe no piert mai i siei dirits
• o vin ducj dirit di vivi