derivazion
/-òn/
de|ri|va|zi|on
[CO]
-
s.f.
procès che al permet di otignî alc partint di alc altri o che al fâs che alc al vegni fûr di alc altri
-
s.f.
lûc, ambient, culture e v.i. di dulà che alc o cdn. al ven:
a 'nd è ancjemò masse int che e va a cirî simpri cualchi derivazion o parintât e lidrîs taliane o magari todescje, par no ameti la esistence di une nestre muse artistiche (Antoni Beline, Une arcje clamade Friûl)
Cfr. origjin
, riunde
, lidrîs
, çocje
-
element che al ven di un ciert lûc, ambient, culture e v.i.:
al pâr impussibil che in Gjermanie e sedi cussì tante zoventût che e va daûr dal moviment gotic cun dutis lis sôs derivazions (Checo Tam, La maree nere)
-
s.f.
opare che e puarte fûr di un flum o di un lât une part di aghe, in gjenar pe agriculture o par centrâls idroeletrichis:
al è un atac che al scomence za a Malborghet par vignî jù un pôc ae volte cuntun sisteme a cjadene di derivazions e di centralinis, che a laran a impuarî e a suiâ dal dut il jet dal flum (Franceschino Barazzutti, Centrâls idroeletrichis su la Fele)
-
s.f.
[CO, TS]
gram.
formazion di une peraule a partî di une altre, dispès midiant di sufìs o prefìs:
il paragon cu lis altris varietâts e cul talian, la flession e la derivazion a judaran a capî cuant che la vocâl lungje no je gjenerâl (Xavier Lamuela, La grafie furlane normalizade)
-
s.f.
[CO, TS]
ling.
nassite di une peraule che e ven di une peraule antighe, ancje cjapade di une altre lenghe
-
peraule che e ven di une altre peraule plui antighe, ancje cjapade di une altre lenghe:
[Talmassons] al podarès jessi un "prediâl", vignût di un "Talmasius", oben une derivazion di "mansio", la cjase di campagne (Agnul di Spere, Talmassons)
