delit
/-ìt/
de|lit
[AF]
-
s.m.
at o fat grâf che al va cuintri de leç:
jessi responsabil dai disordins […] che a compuartarin il delit di somosse, di vê stiçade la int cuintri la autoritât (Alviero Negro, Int di masnade)
-
s.m.
sassinament di une o plui personis:
si visave une vore ben la sene dai doi delits, ma cumò, dopo tancj agn, al viodeve dut come intune fotografie smavide dal timp, e al jere come se in chê nol fos stât lui a copâ, ma un altri (Carlo Sgorlon, Prime di sere)
Sin. omicidi
, sassinament
, crimin
, criminâl
-
s.m.
colpe une vore grande:
e al è stât un pecjât, o forsit un delit, che la Regjon no sedi rivade a fâ nuie (Igor Londero, Cuintristorie dal taramot);
jo mi inamori des peraulis, o sint la lôr bielece: e lassâ che a ledin pierdudis al sarès un delit (Walter Tomada, «Al covente snait par fâ lâ indevant la leterature furlane» al dîs Raffaele Serafini, vincidôr dal Sant Simon 2017)
Sin. criminâl
, male farie
, pecjât mortâl