Dizionari de Lenghe Furlane

pecjât mortâl    [CO, TS]

1. loc.s.m. teol. pecjât che al gjave a la anime la gracie divine e che al puarte ae danazion eterne:  subit si va a pensâ ce relazion che a pues jessi fra la mari di sant Pieri e il sest pecjât mortâl (Luigi Gortani, La invidiose); il plevan […] i veve fat intindi che cheste convivence e jere fûr di ogni regule e che lui al jere in pecjât mortâl (Gianni Gregoricchio, Trê feminis)
2. loc.s.m. (fig., iperb.) fal une vore grâf:  è stade une, chê altre dì, che à volût par ogni pat fâmi disfâ un biel pâr di scarpis, che al jere un pecjât mortâl a tocjâlis, e no son stâts sants, par che lis ridusi a la mode (Pieri Somede dai Marcs, Une scarpute)

Components:

• mortâl¹ adi., s.m.
• pecjât s.m., inter.