Dizionari de Lenghe Furlane

mortâl¹  mor|tâl  [AF]

1. adi. che al pues causâ o che al cause la muart:  la bugade mortâl de Spagnole, la tremende influence che e à finît di copâ i plui debii (Angelo Floramo, 1914-2014 Cuintristorie de Grande Vuere)
   Sin. letâl
   
   1. (iperb.) che al fâs une vore di dam o ancje dome di fastidi:  pai trê grancj puarts di mâr, Triest, Flum e Pole, la "redenzion" e je stade une scopule mortâl, che ju à mandâts a remengo (Josef Marchet, Sot di nissun); impuartant al jere polsâ, domâ cheste strache mortâl (Alan Brusini, Gian Paolo Linda, I forescj); al jere un frêt mortâl, e la buere e soflave ator de stazion, e e businave jenfri i ramaçs dai morârs come une anime in pene (Carlo Sgorlon, Prime di sere)
2. adi., s.m. che, cui che al è destinât a murî, spec. in oposizion a divinitâts o sim., che a son imortâls:  je la sorte dai mortâi, / ducj e van, o vuê o doman, / a fâ tiare di bocâi: / al va un re come un sotan (Emilio Nardini, Chê di Peonis)

Polirematichis e espressions idiomatichis

• pecjât mortâl loc.s.m.

Proverbis:

• a Nadâl frêt mortâl
• o sin ducj mortâi