Dizionari de Lenghe Furlane

dazi  da|zi  [AF]

1. s.m. tasse metude sù di une autoritât publiche su lis marcjanziis puartadis dentri intun teritori:  su lis puartis de citât, fin a pôcs agns indaûr, a jerin i daziârs. Par puartâ dentri vin, cjar, spongje e robe purcine, bisugnave paiâ il dazi (Angelo Covazzi, Un salam); fra li leçs je ancje chê, che stabilìs i dazis pa entrade e pa jesside des marcanziis (Giuseppe Ferdinando del Torre, La fie capriçose e il contrabandîr)
   Sin. agravi , mude , niderlec
   
   1. puest li che si paie chê tasse:  [a Spilimberc] o vin il Palaç dal Comun, une vore ritocjât, la loze dal dazi e il palaç Serena (Bepi Agostinis, Storie de art in Friûl)
      Sin. mude
   2. istituzion o organizazion incjariade di scuedi chê tasse:  al veve vût a ce dî ancje cun chei dal fassio, massime cun Adone Del Cont, tirepît di Gubian, impiegât dal dazi (Gianni Gregoricchio, Îr e doman)

Polirematichis e espressions idiomatichis

• fâ il coion par no paiâ il dazi loc.v.
• fâ il gnogno par no paiâ il dazi loc.v.
• fâ il mone par no paiâ il dazi loc.v.
• fâ il stupit par no paiâ il dazi loc.v.

Proverbis:

• ancjemò su lis peraulis no son dazis ni tassis