Dizionari de Lenghe Furlane

dame¹  da|me  [CO]

1. s.f. femine nobile o di alte cundizion sociâl:  cuant che i salte, si tire sù in pont di cutuardis tant che une dame (Catarine Percude, La plui biele)
   Sin. siore
   
   1. (ancje scherç.) femine in gjenerâl:  anzi di cheste strade / o fâs invît aes damis de contrade / di onorâ cjase mê (Pieri Çorut, La sagre di Bolzan)
      Sin. siore
2. s.f. femine che e bale in cubie cuntun om:  mi domande la dame: "Facciamo un fox?…" (Arturo Feruglio, Viaç a Vignesie)
   Sin. balarine
   Cfr. cavalîr
3. s.f. [CO, TS] zûc di pedinis che si movin te scachiere, dome in diagonâl, li che il fin al è chel di mangjâ dutis lis pedinis dal aversari passantjur parsore:  in chês oris, si po svagâsi a zuiâ di cjartis, di dame o di ping-pong (Vico Bressan, Cîl e aghe)
   
   1. ta chel zûc, pile di dôs pedinis che si oten cuant che si rive te file plui lontane de scachiere, che a diference des pedinis normâls e pues movisi ancje indaûr e che e pues jessi mangjade dome di une dame aversarie