siore
/-ò-/
sio|re
[FO]
-
adi., s.f.
viôt siôr
-
s.f.
femine, spec. maridade o vedue, di nivel sociâl alt, ancje cu lis carateristichis di finece o di altre sorte tipichis de sô classe:
lis sioris, come siore Pasche e siore Anzile, anzianis, di bielis manieris che le vevin cjapade in tante simpatie (Alan Brusini, Par stradis lungjis)
-
ancje femine in sens gjeneric, ma pal solit in riferiment a cui che si trate cun rispiet:
di un grop di cuatri sioris intimpadis sentadis dongje di me, une e leiè riduçant un so test cuntune vôs clare, decidude, cetant graciose (Agnul di Spere, Un de maiorance)
-
ancje tant che titul di rispiet di une femine maridade o vedue, devant di un non, denant dal cognon che e à cjapât dopo maridade, o ancje devant di un altri titul:
"Siore, mi displâs, ma jê e à tuart. Al cjan bisugne metii il cos e tignîlu pe cuarde. O soi costret a dâi la multe" (Angelo Covazzi, I dincj);
"Ma ce fasie po, siore parone? … Che no se cjapi tant a pet… che i fâs mâl […]" (Maria Forte, Cjase di Dalban);
la siore Stroili, la parone di cjase, e jere za a durmî (Alan Brusini, Gian Paolo Linda, I forescj)
-
s.f.
femine maridade:
chi, a Cretevierte, al usave di vignî a cambiâ la arie, un avocat di Udin cu la sô siore e il frutin (Roberto Ongaro, Cretevierte)
Sin. femine
, parone
-
s.f.
cun valôr di adi., biel, fat ben:
ALTE VILLA e je une siore cjase di altris timps. L'aredament al è in stîl di une volte, cun mobii di vêr len, consolles stîl Fidrì II […] (Checo Tam, Sense)
-
s.f.
grignel di blave che, scjaldât, al romp il scus e al met fûr l'amit in forme di sponze blancje:
no si straçave nuie. Dut bon: râfs, patatis, sioris di cincuantin, cudumars, tors di verze; e fîcs (Riedo Pup, I furlans e la fam);
il Lôf al leve vie nasant lis sioris, / e al diseve tra se: se fossin pioris! (Pieri Çorut, Il mio tratament)
Sin. sclopet