cutin
/-ìn/
cu|tin
[CO]
-
adi., s.m.
che, cui che nol è sclet, che al plate i siei difiets, la sô nature o lis sôs intenzions, che al cjape formis o decisions daûr di ce che i conven o daûr di ce che si spietin chei altris, ancje par imbroiâju:
nissun dai vêrs bulats si lassà cjatâ. Che a jerin ancje cutins dopo dut… (Maria Forte, Cjase di Dalban);
"Almancul che tu fossis buine di fâ une sielte, stâ di ca o di là, tu no, tal mieç, ne di ca ne di là, ti mancje la coerence, farisee tu sês, tal ai simpri dite, cutine, pronte al compromès!" (Jolanda Mazzon, Fûr di timp)
Sin. ipocrit
, bausâr
, fals